Jab Log Juda Ho Jate Hain,

Sab Ehd-E-Wafa Ho Jate Hain,,

Jab Niyat Main Fatoor Sa Ho,

Sab Amal Gunah Ho Jate Hain,

Jab Tere Bare Main Sochte Hain,

Sab Lafaz Dua Ho Jate Hain,,

Jab Ghurbat Dar Pay Dastak De,

Sab Yaar Khafa Ho Jatay Hain,,

Jab Waqt Dikhata Hai Aankhen,

Sultan Gadhe Ho Jatae Hain,,

Tu Jab Bhi Mere Sath Na Ho,

Tehwar Saza Ho Jate Hain,,

Jab Nafrat Lafzon Main Utrey,

Tab Apne Juda Ho Jate Hain,,

Ye Duniya Hai Ae Mere Dost "Farid",

Yahan Insan Khuda Ho Jate Hain ...